Azərbaycan I Divizionundakı XIV turun bütün görüşləri fevralın 27-nə təxirə salınıb.
Sportnet.az-ın məlumatına görə, bu barədə Peşəkar Futbol Liqası qərar çıxarıb. Səbəb kimi ölkə ərazisində hökm sürən əlverişsiz hava şəraiti göstərilib. Bu isə o deməkdir ki, I Divizionda mövsümün ikinci yarısına bu gün yox, fevralın 10-da XV tur qarşılaşmaları ilə start veriləcək.
Qeyd edək ki, XIV turda "Göyəzən" "Qaradağ Lökbatan"ı, "Səbail" "Mil-Muğan"ı, "Şahdağ" "Zaqatala"nı, "Turan Tovuz" "Rəvan"ı, "Energetik" MOİK-i, "Ağsu" "Bakılı"nı, "Şərurspor" isə "Şəmkir"i qəbul etməlidir.
