İtaliya Kubokunda bütün yarımfinalçılar müəyyənləşib. Sportnet.az-ın məlumatına görə, son yarımfinalçı "Çezena" ilə az öncə yekunlaşan ev matçında 2:1 hesabı ilə qalib gələn "Roma" olub.
Paytaxt klubu aşkar favorit olduğu 1/4 final oyununda hesabı 68-ci dəqiqədə Edin Dzeko ilə açıb. Ancaq qonaqlar bundan cəmi 5 dəqiqə sonra Luka Qarritano ilə tarazlıq yarada bilib. Meydan sahiblərinə qələbəni 41 yaşlı kapitanı Françeko Totti 90+5-ci dəqiqədə dəqiq vurduğu penlati zərbəsi ilə qazandırıb.
"Roma" yarımfinalda "Latiso" ilə üzləşəcək. Digər yarımfinal cütünü "Yuventus" - "Napoli" təşkil edib. İlk oyunlar martın 1-də, cavab matçıları aprelin 4-də keçiriləcək. "Roma" ilə "Yuventus" ilk oyunlarda meydan sahibləri olacaqlar.
