Türkiyə Super Liqasında XXVII tura start verilib.
Sportnet.az-ın məlumatına görə, açılış oyununda "Bursaspor"la "Karabükspor" komandaları üz-üzə gəlib. Görüş meydan sahiblərinin böyük hesablı qələbəsi ilə yekunlaşıb - 3:0. Qolları Kubilay Kanatsızkuş (dəq. 57), Sercan Yıldırım (dəq. 90) və penalti ilə Erdem Özgenc (dəq.90+4) vurub.
Azərbaycan millisinin hücumçusu Deniz Yılmaz zədə üzündən "Bursaspor"un heyətində yer almayıb. Bu nəticədən sonra Yılmazın komandası xallarını 35-ə çatdırıb və 9-cu pilləyə yüksələrək, "Karabükspor"u 1 pillə və 1 xal geridə qoyub.
