Azərbaycan milli komandasının futbolçusu Ramil Şeydayev Slovakiyanın "Jilina" klubunun B komandasının heyətində meydana çıxıb.
Sportnet.az-ın məlumatına görə, bu, əsas komandanın yüksək liqadakı rəqibi "Miyava"nın çempionatdan kənarlaşdırılması ilə əlaqədar olub. Əvəzedicilərin çempionatının lideri "Koşitse" ilə görüşdə "Jilina"nın baş məşqçisi Yaroslav Kentoş bir neçə əsas heyət oyunçusunu meydana buraxıb. Onlar arasında Şeydayev də yer alıb. Gənc hücumçu 20-ci dəqiqədə qol vurub. Oyun isə "Jilina"nın qələbəsi ilə yekunlaşıb - 5:1.
Bu qələbə sayəsində "Jilina"nın B komandası turnir cədvəlində 21 oyundan 33 xalla 9-cu pilləyə yüksəlib.
Qeyd edək ki, Ramil Şeydayev əsas komandada 7 oyuna 1 qol vurub.
