Uruqvay millisinin futbolçusu Edinson Kavani Fransanın PSJ klubu ilə müqavilə müddətini uzadıb.
Sportnet.az-ın klubun rəsmi saytına istinadən məlumatına görə, yeni anlaşma 2020-ci ilədək nəzərdə tutulub. Əvvəlki sövdələşmənin müddəti isə 2019-cu ildə başa çatacaqdı.
Qeyd edək ki, Edinson Kavani PSJ-yə 2013-cü ildə "Napoli"dən keçib. 30 yaşlı hücumçu Paris klubunda 192 oyuna 125 qol vurub, 3 dəfə Fransa çempionu, 4 dəfə Liqa Kubokunun qalibi və hərəyə 2 dəfə ölkə kuboku və Super Kubokun sahibi olub. O, hazırda 31 qolla Fransa çempionatının bombardiridir.
