Futbol üzrə Azərbaycan Kubokunda final matçı keçirilib.
Sportnet.az-ın məlumatına görə, Naxçıvan Muxtar Respublikasının stadionunda "Qarabağ" və "Qəbələ" klubları üz-üzə gəlib.
Görüş Ağdam komandasının qələbəsi ilə yekunlaşıb - 2:0. Hər iki qol ikinci hissədə vurulub. 51-ci dəqiqədə Mahir Mədətov künc zərbəsindən ötürülən topu qapıya göndərib. Oyunda son nöqtəni isə 68-ci dəqiqədə "Qəbələ"nin futbolçusu Ürfan Abbasov qoyub. O, topu öz komandasının qapısına göndərib.
Beləliklə, "Qarabağ" ardıcıl üçüncü mövsümü "qızıl "dubl"la başa vurub. Qurban Qurbanovun baş məşqçi olduğu komanda tarixində 6-cı dəfə Azərbaycan Kubokuna sahib olub.
Qeyd edək ki, görüş gündüz saatlarında isti hava şəraitində baş tutub. Bununla belə, oyunu 12 minədək tamaşaçı izləyib.
------
Bu gün futbol üzrə Azərbaycan kubokunun final matçı keçiriləcək.
Sportnet.az-ın məlumatına görə, Naxçıvanda baş tutacaq həlledici oyunda "Qarabağ” və "Qəbələ” komandaları üz-üzə gələcək.
Cari mövsümdə Azərbaycan Premyer Liqasında çempionluq mübarizəsi aparan əyalət təmsilçilərinin çəkişməsində üstün tərəf Ağdam klubu oldu. Ardıcıl 4-cü dəfə birinci olan "köhlən atlar” indi də "qızıl dubl” arzusundadırlar. Qurban Qurbanovun rəhbərlik etdiyi kollektiv buna müvəffəq olacağı təqdirdə, ardıcıl 3-cü, ümumilkdə 6-cı dəfə Azərbaycan kubokunu muzeyinə aparacaq.
"Qarabağ” 9-cu dəfə final matçının iştirakçısı olacağı halda, yarışda debütü 2005-ci ilə təsadüf edən "Qəbələ” yalnız bir dəfə bu xoşbəxtliyi dadıb. "Qırmızı-qaralar” 2013/14 mövsümünün həlledici matçında "Neftçi”yə uduzub.
Üç ildən sonra yenidən finala yüksələn "Qəbələ”nin kubok oyunlarında "Qarabağ”a uduzmamağı diqqət çəkir. Bu duellərdə 5-də bərabərlik qeydə alınıb, bir görüşdə isə "qırmızı-qaralar” üstün olub. Özü də bu kollektivlər ardıcıl 3 mövsüm, hər dəfə də eyni – 1/4 final mərhələsində üz-üzə gəlib. Bütün duellərdə ilk oyun "Qəbələ”nin meydanında baş tutub. 2011/12 və 2012/13 mövsümlərində evdə qollu heç-heçə edən "qırmızı-qaralar” mübarizəni dayandırıb. 2013/14 mövsümündə də evdə heç-heçə edən, lakin bu dəfə qolsuz matçın iştirakçısı olan "qırmızı-qaralar” səfərdə qalib gəlib.
Naxçıvandakı matç "Qarabağ”la "Qəbələ”nin ümumilikdə 43-cü dueli olacaq. Əvvəlki 42 qarşılaşmanının 16-sı heç-heçə başa çatdığı halda, 16 oyundan Ağdam klubu qalib ayrılıb.
Azərbaycan Kuboku
Final
5 may (cümə)
16:00. "Qarabağ” – "Qəbələ” - 2:0
Qol: Mahir Mədətov, 52. Ürfan Abbasov, 68 - öz qapısına
Hakimlər: Fariz Yusifov, Vaqif Musayev, Namiq Hüseynov, Əliyar Ağayev
AFFA nümayəndəsi: Əli Hüseynov
Hakim-inspektor: Məlik Həsənov
Naxçıvan Muxtar Respublika stadionu (CBC Sport/ canlı)
