"Milli komandamıza Joze Alesionun gəlişindən xəbərdaram. Alesionu yaxşı tanıyıram və çox yaxşı mütəxəssis olduğunu deyə bilərəm". Bu sözləri Sportnet.az-a açıqlamasında Azərbaycan milli komandasının futzalçısı Vassura deyib.
Aparıcı oyunçu baş məşqçi dəyişikliyinə baxmayaraq yenə də millidə şans qazanacağına inanır. Braziliya əsilli futzalçı Joze Alesionun rəhbərliyi altında millinin daha uğurlu və güclü olmasını istədiklərini söyləyib: "Alesio ilə danışmamışam. Amma bilirəm ki, o, məni yığma komandada görmək istəyir. Onun gəlişilə komandamızın daha güclü olacağını və hər şeyin yaxşı alınacağını düşünürəm".
