Azərbaycan Premyer Liqasında ilk turun "Sumqayıt”la görüşündə xəsarət alan "Kəpəz”in futbolçusu Novruz Məmmədovun vəziyyətinə aydınlıq gəlib.
Sportnet.az-ın məlumatına görə, rəqib futbolçu ilə mübarizədə zədələnən və oyunu sona kimi davam etdirə bilməyərək 74-cü dəqiqədə əvəzlənən müdafiəçi indi özünü yaxşı hiss edir. Məmmədovun qabırğaüstü əzələsi əzilib.
Klubun tibbi personalından kapazpfc.az saytına verilən məlumata görə, bu zədə tez bərpa olunandır. Məmmədov əvvəlcə fərdi məşqlərlə başlayıb sonradan kollektiv hazırlığa qoşula biləcək.
Qeyd edək ki, görüş "Sumqayıt"ın qələbəsi ilə yekunlaşıb - 2:1.
