"Qəbələ” və Gürcüstanın "Dinamo” (Tbilisi) klublarının aşağı yaş qrupları üzrə komandaları arasında növbəti oyunlar keçirilib. Sportnet.az-ın məlumatına görə, "qırmızı-qaralar"ın akademiyasının U-15 və U-13 komandaları Azərbaycanın qonağı olan qonşu ölkə təmsilçisinin müvafiq yaş qruplarından olan həmyaşıdları ilə görüşüb.
U-13 komandası "Dinamo”ya 0:2 hesabı ilə uduzub. U-15 komandası isə meydanı qələbə ilə tərk edib - 2:1. "Qəbələ”nin qollarına Kamal Kazımov və Ümid Həmzəyev imza atıb.
Qeyd edək ki, iki gün öncə keçirilən ilk yoxlama oyunlarında U-13 3:2 hesabı ilə qalib gəlib, U-15 isə 0:1 hesabı ilə məğlub olub.
