"Qarabağ"ı Çempionlar Liqasının püşkatma mərasimində təmsil edəcək şəxslər müəyyənləşib. Sportnet.az-ın məlumatına görə, klubun meneceri Asif Əsgərov Danimarkada "Kopenhagen"lə "pley-off" mərhələsinin cavab oyunundan sonra birbaşa Monakoya yollanıb.
Əsgərovla birgə klubun daha 2 nümayəndəsi səfərə çıxıb. "Qarabağ" təkcə Çempionlar Liqasının deyil, U-19 komandaları arasında keçirilən UEFA Gənclər Liqasının Çempionlar Liqası yolunda da iştirak edəcək. Həmin 2 nümayəndənin səfəri də məhz bu məqsədlədir.
