Qarabağ" Çempionlar Liqasının qrup mərhələsində oyunlarını keçirəcəyi stadionu dəyişməyi qərara alıb.
Klubdan Sportnet.az-a verilən məlumata görə, bu addım azarkeş marağı naminə atılıb. Artıq Ağdam təmsilçisi rəqiblərini Tofiq Bəhramov adına Respublika stadionunda deyil, Bakı Olimpiya Stadionunda qəbul etmək istəyini UEFA-ya bildirib. Avropa futbol qurumu nümayəndələrinin aparacağı yoxlamadan sonra yekun qərar veriləcək.
Qeyd edək ki, "Qarabağ" Çempionlar Liqasında İtaliyanın "Roma", İspaniyanın "Atletiko" və İngiltərənin "Çelsi" klubları ilə eyni qrupa düşüb.
