Topaz Premyer Liqasında VIII turun son oyunu keçirilib.
Sportnet.az-ın məlumatına görə, "Neftçi" səfərdə "Səbail"lə qarşılaşıb. "Dalğa Arena"da təşkil olunmuş görüş qonaqların böyük hesablı qələbəsi ilə yekunlaşıb. Qolları "Neftçi" ilə müqaviləni 2 gün əvvəl uzatmış Uqo Barqas və İqnasio Errera, həmçinin, Rəhman Hacıyev vurub. Barqas "dubl" etdiyi halda, Errera və Hacıyev hərəyə bir dəfə fərqlənib. Flaqman 84-cü dəqiqədə Derlis Meza Kollinin qırmızı vərəqə alması səbəbindən görüşü azlıqda başa vurub.
Beləliklə, "Neftçi" "Səbail"dən ilk dövrədəki 0:1 hesablı məğlubiyyətin əvəzini artıqlaması ilə çıxıb. Ardıcıl 2-ci qələbəsini qazanan "ağ-qaralar" xallarını 7-yə çatdıraraq, 6-cı pilləyə yüksəliblər. 6 xalı olan "Səbail" isə 7-ci pilləyə enib.
15 oktyabr (bazar)
Topaz Premyer Liqası, VIII tur
18:30. "Səbail” - "Neftçi” - 0:4
Qollar: İqnasio Errera, 17. Uqo Barqas, 32; 77. Rəhman Hacıyev, 65
Qırmızı vərəqə: Derlis Meza Kolli, 84 ("Neftçi")
Hakimlər: Fariz Yusifov, Knyaz Əmiraslanov, Vüqar Bayramov, Ramil Diniyev
"Dalğa Arena”
Qeyd edək ki, turun əvvəlki oyunlarında "İnter" evdə "Qarabağ"a 0:2, "Sumqayıt" "Qəbələ"yə 0:1 hesabı ilə uduzub, "Zirə" isə "Kəpəz"i darmadağın edib - 3:0.
