"Səbail"lə keçirdiyi Topaz Premyer Liqasının VIII tur matçının ilk yarısı "Neftçi"nin 2 futbolçusu üçün əlamətdar olub. Sportnet.az-ın məlumatına görə, qolları vuran İqnasio Errera və Uqo Barqas klubla müqaviləni mövsümün sonunadək uzatdıqdan 2 gün sonra qol vurublar.
Beləliklə, onlar flaqman rəhbərliyinin addımına meydanda da lazımınca reaksiya veriblər. Digər tərəfdən, Errera "Səbail"i 30 yaşının tamamından 1 gün sonra məyus edib. Bu, onun cari mövsümdə ilk qolu olub. Barqas isə 2-ci dəfə fərqlənib.
Qeyd edək ki, ilk yarıdan sonra "Neftçi" 2:0 hesabı ilə öndədir.
