Türkiyənin "Konyaspor" klubunun yeni baş məşqçisi müəyyənləşib.
Sportnet.az-ın məlumatına görə, superliqa təmsilçisi Məhmət Özdiləklə razılıq əldə edib. 51 yaşlı mütəxəssis futbolçu karyerası ərzində 1998-2001-ci illər aralığında "Beşiktaş"da çıxış edib və rəqib qapılarından 130 top keçirib. Məşqçi karyerası ərzində isə son olaraq Türkiyə millisində köməkçi məşqçi vəzifəsini yerinə yetirib.
Qeyd edək ki, Məhmət Özdilək bu vəzifədə bir neçə gün öncə istefaya göndərilən Mustafa Reşit Akçayı əvəz edəcək.
