Azərbaycan milli komandasının baş məşqçisi Robert Prosineçki mümkün varisini müəyyənləşdirib. Sportnet.az-ın əldə etdiyi məlumata görə, xorvatiyalı mütəxəssis həmin şəxsin adını ötən gün AFFA rəhbərliyi ilə görüşdə açıqlayıb.
Prosineçki bildirib ki, hazırkı durumda Rəşad Sadıqovun millinin sükanı arxasına keçməsi daha münasib olardı. Onun təklifinə milli assosiasiya rəsmilərinin necə reaksiya verəcəkləri ilin sonunadək bilinəcək.
Qeyd edək ki, Rəşad Sadıqov oktyabrın 5-də Çexiya ilə 2018-ci il dünya çempionatının seçmə qrup matçından sonra Azərbaycan yığmasındakı karyerasını başa vurub. O, hazırda "Qarabağ"ın kapitanı və klubun 19 yaşadək futbolçulardan ibarət komandasının baş məşqçisidir. Robert Prosineçki ilə AFFA rəhbərliyi arasındakı görüşdə yeni müqavilənin bağlanılmamasına qərar verilib.
