Bir vaxtlar Fransa milli komandasında çıxış edən Floran Maluda, Lüksemburqun "Diferdanj" klubuna transfer olub.
Sportnet.az-ın məlumatına görə, 37 yaşlı futbolçu komandaya azad agent olaraq qatılıb. Fransalı son olaraq Hindistanın "Dehli Dinamos" klubunda çıxış edib.
Karyerası ərzində "Genqam", "Lion", "Çelsi", "Trabzonspor" və "Metz" kimi klubların şərəfini qoruyan Maluda "Çelsi" ilə Çempionlar Liqasının qalibi olub.
Qeyd edək ki, "Zirə" cari mövsüm Avropa Liqasının birinci təsnifat mərhələsində "Diferdanj"ı hər iki matçda məğlub edib (2:0,2:1).
