"Neftçi” martın 9-da Topaz Premyer Liqasının 19-cü turu çərçivəsində "Keşlə” klubu ilə qarşılaşacaq.
Sportnet.az-ın klubun rəsmi saytına istinadən verdiyi məlumata görə, "Bakcell Arena”da keçiriləcək oyun saat 18:00-da start götürəcək. Ümumilikdə "ağ-qaralar" bu komanda ilə indiyədək 53 çempionat oyununda üz-üzə gəlib.
Bu görüşlərdən 26-da qələbə qazanan "Neftçi", 13 görüşdə məğlub olub və 14 oyunda heç-heçə qeydə alınıb. Top fərqi də "Neftçi”nin xeyrinədir – 80:54.
Bu mövsümün ilk hissəsindəki oyunların hər ikisində "Neftçi" qələbə qazanıb.
"İnter Arena”da Derlis Meza Kolli və Rəhman Hacıyevin qolları ilə 0:2 hesablı nəticə qeydə alınıb. "Bakcell Arena”dakı 3:1 hesablı qələbədə isə komandanın heyətində Mirabdulla Abbasov, İqnasio Errera və Ruslan Abışov fərqlənib.
