"Neftçi" klubu Topaz Premyer Liqasında "Qarabağ"la 71-ci dəfə üz-üzə gələcək.
Sportnet.az-ın məlumatına görə, flaqman əvvəlki 70 çempionat oyunundan 18-də qələbə qazanıb, 27-də məğlub olub. Daha 25 oyunda isə heç-heçə qeydə alınıb. Topların nisbəti də ağdamlıların xeyrinədir – 77:63.
Bu mövsümün ilk hissəsindəki oyunlara gəlincə, "Neftçi" hər iki görüşdə meydanı məğlub tərk edib. "Bakcell Arena”da 1:3, "Azərsun Arena”da isə 0:1 hesabı qeydə alınıb.
Qeyd edək ki, "Neftçi” və "Qarabağ" martın 14-də Topaz Premyer Liqasının XX turu çərçivəsində "Bakcell Arena”da görüşəcək. Oyun saat 18:00-da start götürəcək.
