Futbol üzrə Azərbaycan milli komandasının Belarus və Makedoniya ilə yoldaşlıq görüşləri üçün hazırlıq proqramı müəyyənləşib.
Sportnet.az-ın məlumatına görə, baş məşqçi Qurban Qurbanov heyəti martın 17-də bir araya gətirəcək. Martın 23-də Belarusla nəzərdə tutulan yoldaşlıq görüşünədək Bakıda hazırlıq keçəcək komanda üzvləri bundan 2 gün sonra Türkiyənin Antalya bölgəsinə yollanacaq. Milli "Maxx Royal" otelində qalacaq. Makedoniya ilə qarşılaşma isə martın 27-də "Mardan" stadionunda təşkil olunacaq.
Qeyd edək ki, hər iki oyun Bakı vaxtı ilə saat 20:00-da başlanacaq.
