"Sumqayıt"ın futbolçusu Xəyal Nəcəfov əvəzedici heyətə göndərilib. Sportnet.az-ın məlumatına görə, bu barədə komandanın baş məşqçisi Samir Abasov məlumat verib.
Onun sözlərinə görə, səbəb Nəcəfovun nizam-intizam qaydalarını pozmasıdır: "Xəyal tərəfimdən cəzalanıb. Onun nizam-intizamı, yanaşması buna gətirib çıxardı. Belə davam etsə, ilin sonunadək əsas heyətə qayıtmayacaq. Belə futbolçuları ram etmək çətindir. Nə qədər başa salsaq da, xeyri olmadı. O həddə çatdırdım ki, mövsümün sonunadək onunla vidalaşacağıq. Nə qədər "yerə en" desək də xeyri olmadı. Mən onu əvəzedici heyətə o niyyətlə göndərməmişəm. Düzələcəksə, qoy əvəzedici heyətdə düzəlsin. O, artıq bizimlə deyil".
