AFFA Məşqçilər Komitəsinin üzvü Böyükağa Hacıyev vəfat edib.
Bu barədə Sportnet.az-a onun oğlu Yusif Hacıyev məlumat verib. O, deyib ki, atasını evə apardıqlarını deyib.
"Baku Medical Plaza”dan isə Sportnet.az-a bildirilib ki, 59 yaşlı mütəxəssis hazırda can verir: "Yaxınları süni nəfəs aparatından ayrılan B.Hacıyevi evə aparmaq istəyirlər. Onun həyatda qalmaq ehtimalı çox azdır".
Qeyd edək ki, B.Hacıyev bu il fevralın 8-də infarkt keçirib. Onun ürəyinə Mərkəzi Klinik Xəstəxanada iki stend qoyulmuşdu.
Xatırladaq ki, 20 aprel 1959-cu ildə Naxçıvanda anadan olan Böyükağa Hacıyev 2006-cı ildə "Bakı" klubuna Azərbaycan çempionluğu, 2012-2013 və 2013-2014 mövsümlərində "Neftçi"yə Azərbaycan çempionluğu və ölkə kubokunu qazandırıb. Bundan başqa, Hacıyev tarixdə ilk dəfə "Neftçi"ni 2012-2013 mövsümündə Avropa Liqasının qrup mərhələsinə çıxarıb.
