Argentinanın II Divizionunda "Los Andes" və "Braun Adroqe" komandaları arasında keçirilmiş oyun tribunalarda fanatların kütləvi davası üzündən dayandırılıb.
Sportnet.az-ın "Clarin" nəşrinə istinadən məlumatına görə, toqquşma matçın start fitindən 16 dəqiqə sonra başlanıb. Əvvəlcə azarkeşlər bir-birilərinə daş və şüşə qablar atıblar. Sonra isə münaqişə yumruq döyüşlərinə keçib. İğtişaşı polis rezin güllələrin köməyi dayandırıb.
11 dəqiqə sonra oyun davam etdirilib. Hadisə nəticəsində 100-dən çox fanat saxlanılıb.
Qeyd edək ki, görüş "Los Andes"in 2:0 hesablı qələbəsi ilə yekunlaşıb.
