"Rəqib çox güclü idi. Onları yaxşı analiz etmişdik. Əlimizdən gələni etdik ki, üstün mövqelərini bağladıq".
Sportnet.az-ın məlumatına görə, bunu Azərbaycan millisinin futbolçusu Tural Axundov Türkiyənin Antalya bölgəsində Makedoniya yığmasına qarşı keçirdikləri yoldaşlıq görüşündən sonra CBC Sport-a açıqlamasında deyib. Təcrübəli müdafiəçi yaxşı çıxış etdiklərini bildirib: "Belə davam etsək, müsbət nəticələr gələ bilər. Həmin epizodu görmədim. Amma videotəkrara baxıb veriblərsə, deməli, düzgün qərar veriblər. Əlimizdən gələni edəcəyəm ki, millidəki yerimi möhkəmləndirim".
