Hazırda Gəncə şəhər stadionunda "Kəpəz" və "Zirə" komandaları arasında keçirilən Topaz Premyer Liqasının XXI tur matçına maraq elə də yüksək deyil.
Sportnet.az-ın məlumatına görə, stadionun tribunalarının böyük hissəsi boşdur. Azarkeşlər arasında "Kəpəz"in futbolçusu Quli Manjqaladzenin ailə üzvləri də var. Onlar Gürcüstandan gəliblər. Eyni zamanda "Zirə"ni dəstəkləmək üçün Bakıdan 9 azarkeş gələrək, tribunada yerlərini alıb.
Oyun AFFA Məşqçilər Komitəsinin üzvü, "Neftçi" və "Bakı"nın sabiq baş məşqçisi Böyükağa Hacıyevin vəfatı ilə əlaqədar 1 dəqiqəlik sükutla başlayıb.
Qeyd edək ki, hələlik hesab açılmayıb - 0:0.
