AZAL hazırlıqlarını davam etdirir. Sportnet.az-ın məlumatına görə, komanda "AZAL Arena”da gündəlik məşqlərinə ara vermir.
İki gün davam edən sıx hazırlıq qrafikindən sonra dünən baş məşqçi Tərlan Əhmədovun istəyi ilə ikitərəfli oyun baş tutdu. Şərti olaraq "yaşıllar” və "qırmızılar”a bölünən komanda 1 saat davam edən matçda qalibi müəyyən edə bilmədi. Tərəflər hərəyə bir qol vurduğundan matç "sülh”lə başa çatdı. "Yaşıllar”dan Rəşad Abdullayev, "qırmızılar”dan isə Freddi Mombonqo fərqlənib.
Qeyd edək ki, bayramla əlaqədar bu gün komandaya istirahət verilib. Kollektiv bir də bazar ertəsi səhər məşqində bir araya gələcək.
