Topaz Premyer Liqasının XXV turunun "Neftçi” ilə oyunundakı 2:1 hesablı qələbə "Keşlə” üçün əlamətdar olub.
Sportnet.az PFL-ə istinadən xəbər verir ki, baş məşqçi Yuri Maksimovun komandasının bu qələbəsi klub tarixində çempionatdakı ev oyunlarında əldə olunan 150-ci uğur kimi düşüb.
Əvvəllər "Xəzər Universiteti” və "İnter” adları altında da çıxış edən paytaxt klubu öz meydanında keçirdiyi 258-ci görüşdə 150-ci dəfə qalib gəlib. "Keşlə” evdəki digər qarşılaşmalarda 65 heç-heçə edib və 43 dəfə uduzub.
Qeyd edək ki, "Keşlə” Azərbaycan çempionatları tarixində evdə ən çox qələbə qazanan 5-ci komandadır. Bakılılar "Qarabağ”, "Neftçi”, "Kəpəz” və "Turan”dan geri qalır.
