Ukrayna Futbol Federasiyasının (FFU) prezidenti Andrey Pavelko qızı Liza Çausa Çempionlar Liqasının (ÇL) kubokunu oynamaq üçün verib.
Sportnet.az-ın məlumatına görə, "Instagram"da dərc olunmuş həmin foto azarkeşlərin etirazları ilə qarşılaşıb. UEFA-nın qaydalarına əsasən, kubok mühafizə altında olmalı və yalnız rəsmi şəxslərə ötürülməlidir. Yekaterina Çausla vətəndaş nikahından doğulan azyaşlı baş mükafatla anasının avtomobilində şəkil çəkdirib. Sonradan həmin foto sosial şəbəkədən yığışdırılıb.
Daha əvvəl A.Pavelkonun böyük qızı Anastasiya Pavelko da kubokla şəklini dərc etdirib.
Çempionlar Liqasının Kuboku hazırda ukraynalı futbol məmurlarının sərəncamındadır. Onlar mayın 26-da Kiyevdəki "Olimpiko" stadionunda İspaniyanın "Real Madrid" və İngiltərənin "Liverpul" komandaları arasındakı final matçını təşkil edəcəklər.
