Portuqaliya "Sportinq"inin 50-dək azarkeşi klubun məşq bazasında komandanın futbolçularına və məşqçilər heyətinə hücum edib.
Sportnet.az-ın "O Jogo" nəşrinə istinadən verdiyi məlumata görə, kapüşonda olan fanatlar bazanın ərazisinə soxulduqdan sonra futbolçuları təhqir etməyə və aqressivlik nümayiş etdirməyə başlayıblar. Nəticədə daha çox hollandiyalı hücumçu Bas Dost zərər çəkib. Onun başında bir neçə yara əmələ gəlib. Eyni zamanda, Rodriqo Battalya, Markos Akunya, Ruy Patrisiu, Vilyam Karvalyu, Yosip Mişiç və baş məşqçi Jorje Jezuş xəsarət alıb.
Klubun və Portuqaliya Futbol Federasiyasının rəhbərliyi baş verənləri pisləyərək, günahkarların tapılmasını istəyib.
"Benfika"nın gənclərdən ibarət komandasında Azərbaycanın U-21 millisinin üzvü Budaq Nəsirov da çıxış edir.
Qeyd edək ki, "Sportinq" ölkə çempionatının son turundan əvvəl Çempionlar Liqasına vəsiqə verən 2-ci yer uğrunda "Benfika" ilə mübarizə aparıb. Axırıncı turda "Benfika" qələbə qazandığı halda, "Sportinq" "Maritimu"ya uduzub - 1:2.
