"Qalatasaray" klubu tarixində 21-ci dəfə Türkiyə çempionu olub.
Sportnet.az-ın məlumatına görə, "sarı-qırmızılar" qızıl medallara Superliqanın XXIV turunda səfərdə "Göztəpə" üzərində 1:0 hesablı qələbə sayəsində qovuşub.
Yeganə qolu fransalı hücumçu Bafetimbi Qomis penaltidən vurub.
Bununla da xallarını 75-ə çatdıran "Qalatasaray" ən yaxın izləyiciləri "Fənərbağça" və "Başakşehir"i 3 xal qabaqlayıb. Onlar medallara sahib olublar. 4-cü yeri isə 71 xalla "Beşiktaş" tutub.
----------------------------------------------
Türkiyənin "Qalatasaray" klubu bu gün 21-ci çempionluğunu rəsmiləşdirə bilər.
Sportnet.az-ın məlumatına görə, bunun üçün "sarı-qırmızılar"a "Göztəpə" ilə səfər matçında heç-heçə də yetərlidir.
Son tur ərəfəsində turnir cədvəlinin yuxarı pillələrində mürəkkəb vəziyyət yaranıb. 33 turdan sonra 72 xala malik Fatih Terimin komandası çempionluğa iddialı ən yaxın izləyiciləri "Fənərbağça" və "Başakşehir"dən 3 xal öndədir. 49 xala malik "Göztəpə" "Sivasspor"la birgə 6-7-ci yerləri bölüşür. "Kasımpaşa" isə 8-ci yerdədir. Bu üçlük 6-cı yer uğrunda mübarizə aparır.
"Fənərbağça" artıq 36 xalla Super Liqadakı yerini təmin edən "Konyaspor"u, "Başakşehir" və "Kasımpaşa"nı qəbul edəcək. Çempionlar Liqasına vəsiqə verən 2-ci yerə iddialı, hazırda 68 xalla 4-cü yerdə gedən "Beşiktaş" isə "Sivasspor"u qəbul edəcək.
Ümumiyyətlə, 3 xallıq sistemə keçiddən sonra çempionluq 11-ci dəfə son tura qalıb. Bunların cəmi 2-sində ilk pillədəki komanda son turda mövqeyini əldən verib. 2005-2006 mövsümündə "Fənərbağça" çempionluq şansını "Qalatasaray"a, 2009-2010 mövsümündə isə "Bursaspor"a verib.
Son 4 turda "Cim-Bom" xal itirməyib. Komandanın son 7 görüşündə 5 qələbə, 2 heç-heçə qeydə alınıb. Axırıncı dəfə "sarı-qırmızılar" 2014-2015 mövsümündə çempion olub. "Qalatasaray" rekord sayda - 20 çempionluğa malikdir. 19 çempionluq əldə etmiş "Fənərbağça" son olaraq, 2013-2014 mövsümündə qızıl medal qazanıb. "Başakşehir"in isə çempionluğu yoxdur.
Türkiyə Super Liqası, XXXIV tur
20:00. "Göztəpə" - "Qalatasaray" - 0:1
Qol: Batefimbi Qomis, 66-penalti ilə
20:00. "Fənərbağça" - "Konyaspor" - 3:2
Qollar: Fernandao, 28. Selim Ay, 34-öz qapısına. Roberto Soldado, 65 - Morike Fofana, 70. Adis Yahoviç, 73
20:00. "Başakşehir" - "Kasımpaşa" - 3:2
Qollar: Edin Visça, 30. Emmanuel Adebayor, 36; 61 - Ahmed İldiz, 6. Mbaye Dianye, 27
Dəqiq yerinə yetirilməyən penalti: Emre Belözoğlu, 52 ("Başakşehir")
20:00. "Beşiktaş" - "Sivasspor" - 5:1
Qollar: Anderson Taliska, 30. Kayl Larin, 50; 74; 76. Rayan Babel, 86 - Hakan Arslan, 54
Qırmızı vərəqə: Delvin NDinqa, 66 ("Sivasspor")
