Kolumbiya Premyer Liqasında çıxış edən "Kortulua" klubunun futbolçusu Alexandro Penyaranda qız üstündə qətlə yetirilib.
Sportnet.az-ın məlumatına görə, naməlum şəxs Penyaranda ilə münasibətlərini ayırd etmək üçün "Toluka"da çıxış edən Kristian Borxanın evinə gəlib. Həmin vaxt evdə bir neçə futbolçu olub. Qatil tapançasını çıxararaq, atəş açıb.
Nəticədə 25 yaşlı hücumçu yerində keçinib, "Kotulua"nın yarımmüdafiəçisi Eyssen İskyerdo isə yaralı halda xəstəxanaya çatdırılıb.
Qeyd edək ki, 1994-cü il dünya çempionatı zamanı kolumbiyalı futbolçu Andres Eskobar ABŞ-la görüşdə avtoqol etdiyi üçün vətənində öldürülüb.
