Futbol üzrə Meksika yığma komandasının canlı əfsanəsi Kuatemok Blanko millidəki karyerasını başa vurub. Sportnet.az-ın məlumatına görə, hazırda ölkəsinin "Lobos” klubunda çıxış edən 41 yaşlı hücumçu ötən gün keçirilən İsraillə yoxlama matçında son dəfə millinin forması ilə meydana çıxıb.
Oyuna start heyətdə çıxan Blanko 39-cu dəqiqədə əvəzlənib və alqış sədaları altında meydançanı tərk edib.
Qeyd edək ki, İspaniyanın "Real Valyadolid” (2000-2002 ) və ölkəsinin "Santos Laquna”, "Verakrus”, "İrapuato” kimi klublarının şərəfini qoruyan Blanko Meksika yığması ilə 120 matça çıxıb.
