"Azərbaycan Kubokundakı qələbə mənim üçün yeni titul deyil".
Sportnet.az xəbər verir ki, bunu "Keşlə" komandasının baş məşqçisi Yuri Maksimov "Footballhub" nəşrinə açıqlamasında deyib. Ukraynalı mütəxəssis bildirib ki, Azərbaycan onun üçün yeni futbol və yanaşmanın olduğu ölkədir. O, 5 ay ərzində çox şeyi əldə etdiyini vurğulayıb: "Orada tam fərqli mentalitet var. Hər şey rejimlədir".
50 yaşlı baş məşqçi gələcək planlarından da danışıb: "Həyat davam edir. Variant olanda danışarıq. Orada AFFA-nın maliyyələşdirdiyi 5 komanda var. 3 klubun isə öz prezidenti mövcuddur. Bu, narahatlıq doğuran məqamdır".
Qeyd edək ki, Yuri Maksimov "Keşlə" ilə müqaviləsinin uzadılmasına dair ilkin razılıq verib.
