"Neftçi” klubu ilə "Türk Hava Yolları” şirkəti arasında gələcək əməkdaşlıq haqqında ilkin razılıq protokolu imzalanıb.
Sportnet.az-ın məlumatına görə, tərəflər arasında 1 illik rəsmi müqavilənin imzalanma mərasimi yaxın günlərdə keçiriləcək.
Qeyd edək ki, 110 ölkənin 277 nöqtəsinə uçuşlar təşkil edən "Türk Hava Yolları” Avropanın ən yaxşı hava yolları şirkəti mükafatını qazanıb. İspaniyanın "Barselona”, İngiltərənin "Mançester Yunayted”, Almaniyanın "Borussiya” (Dortmund), Ukraynanın "Şaxtyor” kimi məşhur klublarına sponsorluq etmiş şirkət Türkiyənin 4 böyük klubu – "Qalatasaray”, "Beşiktaş”, "Fənərbaxça” və "Trabzonspor”la da əməkdaşlıq edir.
