"Sumqayıt" futbol klubunun baş məşqçisi Nazim Süleymanovun köməkçilərindən biri müəyyənləşib.
Sportnet.az-ın klubun saytına istinadən verdiyi məlumata görə, Emil Babayev qapıçılar üzrə məşqçi funksiyasını yerinə yetirəcək.
Qeyd edək ki, 37 yaşlı mütəxəssis 2008-2009-cu illər ərzində "Neftçi"nin əvəzedici komandası, 2008-2011-ci illərdə Azərbaycanın U-15 və U-17 milli komandalarında işləyib. E.Babayev həmçinin 2009-2011 "Rəvan", 2012-2015 "Simurq", 2016-2018-ci illər ərzində isə Rusiyanın MOİK futbol akademiyasında çalışıb.
