"Kukesi” yetərincə ciddi rəqib idi. Məlumat toplamaq üçün yaxşı qarşılaşma oldu. Matçdan öncə yaxşı məlumat yığacağımıza ümid edirdik".
Sportnet.az-ın məlumatına görə, bunu "Qəbələ"nin baş məşqçisi Sənan Qurbanov Sloveniyadakı təlim-məşq toplanışında Albaniyanın "Kukesi" komandası ilə 1:1 hesablı heç-heçə etdikləri yoxlama matçından sonra klubun rəsmi saytına açıqlamasında deyib.
Gənc mütəxəssis komandasının oyunundan razılıq ifadə edib: "Sloveniya toplanışına 3 gün öncə başladığımızı nəzərə alsaq, bu oyundan, xüsusilə də ikinci hissədən razı qaldım. Fiziki hazır olduğumuzu deyə bilmərik. Buna görə də elə oyun üslubu seçmişdik ki, futbolçularımız az qaçsınlar, topla davransınlar, sıx oynasınlar. "Kukesi” ilə qarşılaşmada oyunçuların buna cəhd etdiklərini gördüm. Demək olar ki, futbolçular düz yoldadır. Matçdan istədiklərimi ala bildim".
Bununla yanaşı, Qurbanov səhvlərdən nəticə çıxaracaqlarını diqqətə çatdırıb: "Oyunu analizi edəcəyik. Toplanışa onun üçün gəlmişik ki, səhvlərimizin üzərində işləyək. Futbolçulardan oyunlar zamanı aldıqlarımızı daha da çoxaltmaq istəyirik”.
