"Qarabağ" klubunun Fransa "Lans"ındən heyətinə cəlb etmək istədiyi Abdulla Zubirin transfer qiyməti müəyyənləşib.
Sportnet.az-ın "La Voix des Sports"a istinadən verdiyi məlumata görə, Ağdam təmsilçisi 27 yaşlı hücumameyilli yarımmüdafiəçi üçün 1 milyon avro ödəyəcək. Artıq Mərakeş əsilli oyunçu Azərbaycan təmsilçisinin Avstriyadakı təlim-məşq düşərgəsindədir.
Qeyd edək ki, Abdulla Zubir "Lans"dan öncə Fransanın "Qrenobl" və "İstr" klublarında da çıxış edib. O, həmçinin Şotlandiyanın "Hibernian" və Rumıniyanın "Petrolul" komandalarının şərəfini qoruyub.
