Hindistanda topu Lionel Messi üslubunda saxlamağa çalışan futbolçu Saqar Das dünyasını dəyişib.
Sportnet.az-ın "İndia Today"a istinadən məlumatına görə, 20 yaşlı oyunçu topu qəbul edərkən sinəsinə dəyən zərbənin gücündən müvazinətini itirib və yerə yıxılıb. Gənc futbolçu huşunu itirib və sonradan xəstəxanada keçinib.
Yaxın qohumu bildirib ki, Das dünya çempionatının hər bir oyununa gecə yarıyadək baxıb. O, Messi fanatı olub və mundiala o qədər bağlanıb ki, təhsilini də yaddan çıxarıb. Yerli komandalar arasındakı oyun zamanı gənc futbolçu Messinin bir neçə fintini təkrarlamaq istəyib.
