Zaqatalanın "Simurq" klubu Topaz Premyer Liqasının VIII turunda "İnter" ilə oyuna ciddi itkilərlə çıxacaq. Sportnet.az-ın klubun rəsmi saytına istinadən məlumatına görə, məşqlərdə zədələnən polşalı mərkəz müdafiəçi Banas Adam və gənc futbolçu Murad Səttarlı çalışmalarda iştirak edə bilmir.
Onlardan əlavə Zaqatala təmsilçisi yığma komandaların düşərgəsində olan İlkin Qırtımov, Vüqar Mustafayev,Vadim Abdullayevsiz hazırlıqlarını davam etdirir.
Zədə səbəbindən Tiflis səfərində "Simurq"a kömək edə bilməyən Amil Ağacanov və yüksək temperatur səbəbindən "Dinamo" ilə görüşdə forma geyinməyən Samir Zərgərov bugünkü məşqlərdə komanda ilə birgə iştirak edəcək.
Qeyd edək ki, milli komandanın oyunları ilə əlaqədar çempionatda yaranan fasilədə "Simurq" klubu Gürcüstana yollanıb və bir yoxlama oyunu keçirib. "Dinamo Arena"da paytaxt təmsilçisi ilə qarşılaşan komanda 1:0 hesabı ilə qələbə qazanıb.
