Avropa Liqasında "Qarabağ"la eyni qrupda yer alan "Sportinq" komandası Portuqaliya çempionatında IV turun oyununa çıxıb.
Sportnet.az-ın məlumatına görə, rəqib "Feyrensi" klubu olub. Lissabondakı "Joze Alvalade" stadionunda təşkil olunmuş qarşılaşmada meydan sahibləri 1:0 hesabı ilə qalib gəliblər. Yeganə qolu 88-ci dəqiqədə Jovane Kabral vurub.
Bu qələbə sayəsində xallarını 10-a çatdıran "Sportinq" 2-ci pilləyə yüksəlib. Lider "Braqa" da eyni miqdarda xala malikdir. 7 xalı olan "Feyrensi" isə "Benfika" ilə 3-4-cü yerləri bölüşür.
Qeyd edək ki, Avropa Liqasında E qrupunun ilk turunda "Qarabağ" məhz "Sportinq"in qonağı olacaq. Görüş sentyabrın 20-də keçiriləcək.
