"Qarabağ"ın Avropa Liqasının qrup mərhələsindəki rəqiblərindən olan "Sportinq" klubu Portuqaliya Liqa Kubokunun qrup mərhələsinin ilk turunda "Maritimu"ya qalib gəlib.
Sportnet.az xəbər verir ki, Lissabon komandasının baş məşqçisi Joze Pezeyru Azərbaycan təmsilçisinə qarşı keçirəcəkləri Avroliqanın ilk tur qarşılaşmasını düşünərək, meydana ideal "11-lik" buraxmayıb. O, komandanın əsas üzvlərindən olan kapitan Luiş Nani və müdafiəçi Stefan Ristovskiyə istirahət verib. Hücumçu Bas Dost və müdafiəçi Jeremi Matyö isə zədə səbəbindən kubok görüşünü buraxıb.
3:1 hesabı ilə nəticələnən görüşdə "Sportinq”in qollarını 26-cı dəqiqədə Rafinya, 54-cü dəqiqədə penaltidən və 63-cü dəqiqədə Brunu Fernandeş vurub. "Maritimu"dan isə 18-ci dəqiqədə Jorje Korrea fərqlənib.
Qeyd edək ki, sentyabrın 20-də Lissabondakı "Joze Alvalade" stadionunda keçiriləcək "Sportinq” – "Qarabağ” görüşü Bakı vaxtı ilə saat 23:00-da başlayacaq.
