Premyer Liqanın VIII turu çərçivəsində sabah "Bakı"nı qəbul edəcək "Xəzər Lənkəran" artıq dünəndən doğma şəhərində məskunlaşıb. Sportnet.az-ın məlumatına görə, son üç günün məşqlərini paytaxtda davam etdirən Cənub klubu oyuna qədər daha 2 məşq keçirəcək.
Axşam məşqinidə Lənkərandakı bazada toplaşan Oğuz Çətinin komandası bakılılarla matça itki ilə çıxacaq. Uğur Pamuk və Rəşad Sadiqovla yanaşı, millidəki debütü uğursuz alınan Ağabala Ramazanov da zədə səbəbindən hazırlıqda iştirak etmir. Lənkəranlılar bu gün və sabah oyunöncəsi son məşqə çıxacaqlar.
Qeyd edək ki, sabah baş tutacaq "Xəzər Lənkəran" - "Bakı” oyunu saat 17:00-da start götürəcək və matç "Xəzər Lənkəran” TV vasitəsilə canlı yayımlanacaq.
