"O, tam haqlıdır. Bizim əla oyunçularımız var. Onlar komandanı formalaşdırır, güclü və özlərindən əmin edirlər. Klubumuz heç vaxt bir futbolçudan asılı olmamalıdır".
Sportnet.az xəbər verir ki, bunu İspaniya "Barselona"sının futbolçusu Lionel Messi komanda yoldaşı Luis Suaresin fikirlərini şərh edərkən deyib. Uruqvaylı hücumçu "Atletik"lə 1:1 hesablı heç-heçə etdikləri La Liqanın VII tur matçından sonra bidirib ki, Kataloniya komandasının yalnız Messiyə ümid edərək, onun bütün komandanın problemlərini həll edəcəyini gözləməməlidir.
Son nəticələrinin elə də yaxşı olmadığını deyən Messi sakitliklərini qorumalarının vacibliyini vurğulayıb. Argentinalı forvardın fikrincə, bu dövr tezliklə keçəcək.
Qeyd edək ki, "Barselona" bu mövsüm üçüncü dəfə xal itkisinə məruz qalıb. Ernesto Valverdenin baş məşqçi olduğu komanda daha əvvəl "Leqanes"ə 1:2 hesabı ilə uduzub, "Jirona" ilə heç-heçə edib - 2:2.
