İngiltərə "Mançestr Yunayted”inin futbolçusu Antoni Marsyal müqaviləsinin uzadılması ilə bağlı klubun yeni təklifini qəbul etməyib.
Sportnet.az-ın "Sky Sports” nəşrinə istinadən verdiyi məlumata görə, buna baxmayaraq, tərəflər danışıqları davam etdirir.
"Qırmızı şeytanlar” 22 yaşlı fransız hücumçu ilə uzunmüddətli müqavilə imzalamaq istəyir. Klubun Marsyalla müqaviləsi 2020-ci ilin yayında bitir və 1 il də uzadıla bilər.
Futbolçu ilə Fransanın PSJ, İtaliyanın "Yuventus” və Almaniyanın "Bavariya” klubları maraqlanır. Ancaq Marsyal karyerasını "Mançestr Yunayted”də davam etdirmək naminə bu üç klubun təklifindən imtina etməyə hazırdır.
Qeyd edək ki, Antoni Marsyal 2015-ci ilədn Fransa "Monako”sundan "Mançestr Yunayted”ə keçib. O, Nngiltərə Premyer Liqasında hazırkı mövsümdə 6 oyunda 3 qol vurub.
