Braziliyanın "San-Bentu" klubunun futbolçusu Daniel Freytas vəhşicəsinə qətlə yetirilib.
Sportnet.az-ın məlumatına görə, 24 yaşlı yarımmüdafiəçinin meyiti Kuritiba regionunun San-Joze-dus-Pinyays şəhərciyində aşkarlanıb. Qətlə yetirilməmişdən əvvəl Freytas ağır işgəncələrə məruz qalıb. Bunu oyunçunun boynundakı çoxsaylı travmalar və cinsi orqanının kəsilməsi də təsdiqləyir. Hadisə ilə əlaqədar cinayət işi qaldırılıb, araşdırmalara başlanılıb. Mərhumun yaxın qohumları dindirilir.
Qeyd edək ki, Daniel Freytas müqavilə üzrə "San-Paulu"ya məxsus olub. O, iyunda "San-Bentu"ya icarəyə verilib.
