Avropa Liqasının qrup mərhələsində "Qarabağ"ın rəqiblərindən olan "Sportinq" komandası Portuqaliya Kubokunda 1/8 finala yüksəlib.
Sportnet.az-ın məlumatına görə, Lissabon təmsilçisi 1/16 finalda səfərdə "Lusitano"nu darmadağın edib - 4:1. Toplardan ikisini 42-ci və 71-ci dəqiqələrdə Bas Dost vurub. Qalib komandanın digər qollarına 64-cü dəqiqədə Brunu Fernandeş və 73-cü dəqiqədə Abdulay Diabi imza atıb. Meydan sahiblərindən isə 44-cü dəqiqədə Dioqo Braz fərqlənib.
Qeyd edək ki, "Sportinq" növbəti oyununu noyabrın 29-da Bakı Olimpiya stadionunda "Qarabağ"a qarşı keçirəcək. Görüş saat 21:55-də başlanacaq. Bu komandalar arasında Lissabonda təşkil olunmuş qarşılaşmada Portuqaliya təmsilçisi qalib gəlib - 2:0.
