İspaniyanın "Real Madrid" klubunun futbolçusu İskonun Çempionlar Liqasının V turunda səfərdə İtaliya "Roma"sı ilə matçda iştirak etməməsinin səbəbi bəlli olub.
Sportnet.az AS nəşrinə istinadən xəbər verir ki, bu, 26 yaşlı yarımmüdafiəçinin komandanın baş məşqçisi Santyaqo Solari ilə münaqişəsi ilə əlaqədardır. 42 yaşlı mütəxəssisə qarşı hörmətsizlik etdiyi üçün İskonun adı görüşün "18-liy"inə salınmayıb. Münaqişənin digər detalları isə məlum deyil.
Argentinalı baş məşqçi baş verən hadisələrə baxmayaraq, müzakirələrdən qaçmaq üçün İskonu İtaliyaya aparıb.
Qeyd edək ki, görüş "Real Madrid"in 2:0 hesablı qələbəsi ilə başa çatıb.
