İrlandiyanın paytaxtı Dublində 2020-ci il Avropa çempionatının püşkatma mərasimi keçirilib.
Sportnet.az-ın məlumatına görə, tədbirdə əvvəlcə kubok səhnəyə gətirilib. Sonra püşkü çəkəcək şəxslər səbətlər arxasında yerlərini alıblar. AVRO-2020-nin təşkil olunacağı 12 şəhərin qısa təqdimat videosu nümayiş etdirilib.
Nəhayət, püşkatma start götürüb. Azərbaycan yığması 5 komandalı E qrupunda Xorvatiya, Uels, Slovakiya və Macarıstana rəqib olub. İlk turun oyunları 2019-cu il 21 - 23 martda olacaq.
A qrupu: İngiltərə, Çexiya, Bolqarıstan, Monteneqro, Kosovo
B qrupu: Portuqaliya, Ukrayna, Serbiya, Litva, Lüksemburq
C qrupu: Hollandiya, Almaniya, Şimali İrlandiya, Estoniya, Belarus
D qrupu: İsveçrə, Danimarka, İrlandiya, Gürcüstan, Cəbəllütariq
E qrupu: Xorvatiya, Uels, Slovakiya, Macarıstan, Azərbaycan
F qrupu: İspaniya, İsveç, Norveç, Rumıniya, Farer adaları, Malta
G qrupu: Polşa, Avstriya, İsrail, Sloveniya, Makedoniya, Latviya
H qrupu: Fransa, İslandiya, Türkiyə, Albaniya, Moldova, Andorra
I qrupu: Belçika, Rusiya, Şotlandiya, Kipr, Qazaxıstan, San Marino
J qrupu: İtaliya, Bosniya və Herseqovina, Finlandiya, Yunanıstan, Ermənistan, Lixtenşteyn
------------
Bu gün futbol üzrə 2020-ci il Avropa çempionatının seçmə mərhələsinin püşkü atılacaq.
Sportnet.az xəbər verir ki, İrlandiyanın Dublin şəhərindəki Konvensiya Mərkəzində təşkil olunacaq mərasim Bakı vaxtı ilə saat 15:00-da başlayacaq.
Tədbirdə Azərbaycanı AFFA-nın prezidenti Rövnəq Abdullayev, vitse-prezident Elşad Nəsirov, baş katib Elxan Məmmədov və Azərbaycan milli komandasının baş məşqçisi Qurban Qurbanov, baş katibin müavini Sərxan Hacıyev, AFFA-nın Mətbuat və İctimaiyyətlə Əlaqələr Şöbəsinin müdiri Firuz Abdulla, AFFA-nın Beynəlxalq Əlaqələr Şöbəsinin müdiri, Avro-2020-nin final mərhələsinin Bakıda keçiriləcək oyunları üzrə Əməliyyat Qrupunun layihə koordinatoru Könül Mehtiyeva və AFFA-nın İnfrastruktur direktoru, Avro-2019-un Bakıda təşkil olunacaq final qarşılaşmasının layihə koordinatorunun müavini Kamran Vəliyev təmsil edəcək.
UEFA-ya üzv olan 55 ölkənin yığma komandaları qitə futbol qurumunun reytinqində yer aldıqları mövqeyə uyğun olaraq 7 səbətə bölünüblər. Avropa çempionatının seçmə mərhələsində ilk 5 qrupda altı, sonrakı 5 qrupda beş komanda mübarizə aparacaq. Hər qrupdan ilk iki yeri tutan yığmalar final mərhələsinə yüksələcək.
AVRO-2020-nin səbətləri
Mİllətlər Liqası səbəti: İsveçrə, Portuqaliya, Hollandiya, İngiltərə
1-ci səbət: Belçika, Fransa, İspaniya, İtaliya, Xorvatiya, Polşa
2-ci səbət: Almaniya, İslandiya, Bosniya və Herseqovina, Ukrayna, Danimarka, İsveç, Rusiya, Avstriya, Uels, Çexiya
3-cü səbət: Slovakiya, Türkiyə, İrlandiya, Şimali İrlandiya, Şotlandiya, Norveç, Serbiya, Finlandiya, Bolqarıstan, İsrail
4-cü səbət: Macarıstan, Rumıniya, Yunanıstan, Albaniya, Monteneqro, Kipr, Estoniya, Sloveniya, Litva, Gürcüstan
5-ci səbət: Makedoniya, Kosovo, Belarus, Lüksemburq, Ermənistan, AZƏRBAYCAN, Qazaxıstan, Moldova, Cəbəllütariq, Farer adaları
6-cı səbət: Litva, Lixtenşteyn, Andorra, Malta, San Marino
AVRO-2020-nin seçmə mərhələsinin ilk turu 21 mart 2019-cu ildə başlanacaq.
1-ci tur: 21 - 23 mart
2-ci tur: 24 - 26 mart
3-cü tur: 7-8 iyun
4-cü tur: 10-11 iyun
5-ci tur: 5 - 7 sentyabr
6-cı tur: 8 - 10 sentyabr
7-ci tur: 10 - 12 oktyabr
8-ci tur: 13 - 15 oktyabr
9-cu tur: 14 - 16 noyabr
10-cu tur: 17 - 19 noyabr
Hər qrupda ilk 2 yeri tutmuş komandalar final mərhələsinə yüksələcəklər. AVRO-2020-yə son 4 vəsiqəni isə UEFA Millətlər Liqasında qrup qalibləri olan komandalar 4 liqa üzrə müəyyənləşdirəcəklər. Pley-off oyunları 2020-ci il 26 - 28 martda, final qarşılaşmaları isə 29 - 31 martda olacaq.
AVRO-2020-nin final mərhələsinin püşkü 1 dekabr 2019-cu ildə atılacaq. Həmin vaxt Millətlər Liqasından vəsiqələrin sahibləri müəyyənləşməyəcəyindən, onlar 1 - 4 pley-offlarının qalibləri kimi adlandırılacaqlar.
Qeyd edək ki, 2020-ci il iyunun 12-dən iyulun 12-dək keçiriləcək final mərhələsinə Azərbaycan, İngiltərə, Macarıstan, Almaniya, Danimarka, İrlandiya, İspaniya, İtaliya, Hollandiya, Rusiya, Rumıniya və Şotlandiya ev sahibliyi edəcək. Bakı Olimpiya Stadionunda qrup mərhələsinin 3, 1/4 final mərhələsinin isə 1 oyunu keçiriləcək.
