Dünya və Avropa çempionu, karyerası ərzində bir sıra məşhur klublarda çıxış etmiş fransalı veteran futbolçu Rober Pires Bakıya səfər edəcək.
Sportnet.az-ın AFFA-nın rəsmi saytına istinadən məlumatına görə, səfər Bakı Olimpiya Stadionunda keçiriləcək Avropa Liqası turnirinin final oyununa hazırlıq kampaniyası çərçivəsində gerçəkləşəcək. Pires dekabrın 4-də Bakı Olimpiya Stadionunda aşağı yaş qruplarından ibarət komandalarda çıxış edən uşaqlar üçün futbol festivalına qatılacaq. Sonra fransalı sabiq futbolçu Bakı Ekspo Mərkəzində təşkil olunacaq "Bakutel 2018”- 24-cü Azərbaycan Beynəlxalq Telekommunikasiya, İnnovasiya və Yüksək Texnologiyalar Sərgisində Avropa Liqası Final-2019 stendinin təqdimatında iştirak edəcək.
Qeyd edək ki, Avroliqanın final matçı 2019-cu il mayın 29-da təşkil olunacaq.
