"Rəqibi xüsusi təqdim etməyə ehtiyac yoxdur".
Sportnet.az xəbər verir ki, bunu "Qarabağ"ın futbolçusu Maksim Medvedev İngiltərədə "Arsenal"la keçirəcəkləri Avropa Liqasının qrup mərhələsinin VI tur matçından əvvəl mətbuat konfransında deyib. Təcrübəli müdafiəçi bildirib ki, bugünkü görüş nəticə baxımından o qədər də əhəmiyyət daşımır. Buna baxmayaraq, Medvedev əllərindən gələnin ən yaxşısını etməyə çalışacaqlarını vurğulayıb: "Bizi çətin və maraqlı 90 dəqiqə gözləyir".
Qeyd edək ki, Londondakı "Emirates" stadionunda keçiriləcək "Arsenal" - "Qarabağ" matçı Bakı vaxtı ilə saat 24:00-da başlanacaq.
