"Zirə" klubu futbolçusu Adil Nağıyevlə yollarını ayırıb.
Sportnet.az xəbər verir ki, bu barədə müdafiəçinin özü sosial şəbəkədəki hesabında paylaşım edib. Komanda yoldaşı Sadiq Quliyevlə birgə fotosunu yayımlayan Nağıyev "Həm dost, həm qardaş. Yollar yolumuzu dəyişə bilər, amma qardaşlığımızı, dostluğumuzu yox" yazıb.
Qeyd edək ki, Adil Nağıyevin karyerasını "Sumqayıt"da davam etdirəcəyi gözlənilir. Bu komandaya hazırda "Zirə"nin sabiq baş məşqçisi Ayxan Abbasov rəhbərlik edir.
